Cultura viva · Teatru
Compañíes y montaxes que lleven l'asturianu a los escenarios. Una manera de vivir la llingua en direuto, con públicu y emoción.
Teatru
Comedia musical ambientada na emigración asturiana a la Cuba de finales del XIX. Dende les ruines del teatru Alhambra de La Habana, daquién alcuerda esti xuguete llíricu de númberos cubanos: una vilba moza que nun sabe qué pretendiente escoyer y un Xuanón tímidu y rudu —comerciante asturianu— al que deprenden a namorar, magar les sos úniques referencies amatories seyan l’almacén, les cuentes y les sardines.
Teatru
Fábula ecolóxica pa tolos públicos. Nuna viesca milenaria del norte, corzos, osos, xabariles, esguiles y curuxes viven n’harmonía hasta que’l fueu lo amenaza too. Serán los neños quien guíen a los animales a un llugar seguru y conciencien a toos de que traxedies asina nun puen volver asoceder. Tres la lluvia qu’apaga les llames, un brotu naz y una abeya ximiélgalu: queda la esperanza.
Teatru
Y pa pasar de ver teatru a lleelu —o a xubilu al escenariu—: el grupu de Carbayín (Sieru), n’activo dende 1979, comparte la so biblioteca de testos teatrales completos n’asturianu: obres llargues, curties y sainetes, descargables en PDF. Un recursu únicu pa lleer la llingua en voz alta y pa grupos aficionaos que quieran montar obra n’asturianu.