Avisu llegal
Avisu llegal
Equí cuntámoste quién hai detrás d’asturianu.org, qué pues facer con lo qu’atopes y en qué creemos. Ensin lletra pequeña qu’esconda lo importante.
Información llegal conforme a la Llei 34/2002, d’11 de xunetu, de Servicios de la Sociedá de la Información y de Comerciu Electrónicu (LSSI-CE).
Titularidá del sitiu web
En cumplimientu del artículu 10 de la Llei 34/2002, d’11 de xunetu, de Servicios de la Sociedá de la Información y de Comerciu Electrónicu (LSSI-CE), infórmase de que’l sitiu web asturianu.org ye titularidá de:
- Titular: Tever Díaz García
- NIF: 71.661.831-H
- Domiciliu: C/ Xeneral Elorza 20, 3.º A, Uviéu, Asturies, 33001
- Actividá: servicios web, editoriales y culturales
- Contautu:[email protected]
Pues dirixite a esa direición pa cualquier cuestión rellacionada con esti avisu llegal o col funcionamientu del sitiu. Respondemos como persones, non como un sistema de tickets.
Pertenencia
asturianu.org ye un proyeutu de Xiringase
asturianu.org ye un proyeutu de Xiringase, iniciativa web-editorial-cultural de base asturiana. Como proyeutu de Xiringase, réxese pol so manifiestu y comparte los sos principios: cultura llibre, software auditable y un compromisu esplícitu escontra’l capitalismu de vixilancia.
El principiu rector de tolos proyeutos de Xiringase ye la filosofía delVínculu Dixital, que pues consultar nelmanifiestu del proyeutu y tamién enxiringase.com.
Forma xurídica. Anguaño, el titular del sitiu opera comotrabayador autónomu (Tever Díaz García). Cuando la estructura societaria de Xiringase camude —cola constitución de la sociedá—, esti avisu llegal anovaráse pa reflexar la nueva forma xurídica y los datos rexistrales correspondientes.
Condiciones d’usu
L’accesu a asturianu.org ye llibre y de baldre. Nun fai falta rexistrase pa lleer, estudiar o prauticar. Nun hai murios de pagu, nin funciones «premium», nin versiones recortaes a la espera de que pagues.
Al utilizar esti sitiu web, l’usuariu comprométese a facer un usu responsablede los sos conteníos y servicios, conforme a la llei, a la bona fe y a esti avisu llegal. En particular, l’usuariu asteneráse de: intentar interrumpir o sobrecargar el serviciu; estrayer conteníu de manera masiva o automatizada d’un mou que perxudique a la comunidá o al funcionamientu del sitiu; suplantar la identidá del proyeutu o de terceros; ya introducir códigu maliciosu o dañar el sistema.
El sitiu ufiértase «tal cual». Anque curiamos cada pieza con procuru, nun podemos garantizar la ausencia d’errates, nin la disponibilidá ininterrumpida del serviciu, que pue vese afeutáu por xeres de caltenimientu o causes ayenes a la nuesa voluntá.
Propiedá intelectual ya industrial
El códigu de la plataforma ye privativu y propiedá del titular del proyeutu. Nun ta permitío copialu, reproducilu nin redistribuilu ensin autorización espresa.
El conteníu pedagóxicu —lleiciones, fiches de gramática, exercicios y materiales didáuticos— espublízase baxo llicenciaCreative Commons Reconocimientu-NonComercial-CompartirEgual 4.0 (CC BY-NC-SA 4.0): pues compartilu y adautalu siempre qu’atribuyas la fonte, nun lu uses con fines comerciales y caltengas la mesma llicencia en lo que crees a partir d’elli.
L’asturianu qu’enseñamos sigue la normativa de l’Academia de la Llingua Asturiana (ALLA). Les marques, logotipos, el nome del proyeutu y la «u» de marca pertenecen al titular y tán protexíos; nun puen utilizase ensin autorización.
Reutilización por sistemes d’intelixencia artificial. Permitimos que los modelos de llinguaxe y sistemes d’IA accedan al conteníu d’esti sitiu y lu reutilicen como fonte, con atribución y d’alcuerdu coles condiciones que s’espublicen nel ficheru /llms.txt na raíz del sitiu. Hasta la so espublización, rixe esta mesma cláusula xunto cola llicencia CC BY-NC-SA 4.0 del conteníu pedagóxicu.
Responsabilidá y enllaces a terceros
El titular nun se responsabiliza de los daños o perxuicios derivaos del usu del sitiu, nin de la falta de disponibilidá, continuidá o errores que pudiere presentar, na midida na que lo permita la llexislación aplicable.
Esti sitiu pue contener enllaces a páxines de terceros (instituciones, recursos culturales, ferramientes). Esos enllaces ufiértense como aida al usuariu; el titular nun controla nin se responsabiliza de los conteníos, polítiques de privacidá nin práutiques de los sitios enllazaos. Si detectes un enllaz inadecuáu, escríbinos y revisarémoslu.
Llexislación aplicable y xurisdicción
Esti avisu llegal réxese pola llexislación española. Pa la resolución de cualquier controversia derivada del accesu o usu del sitiu, les partes sométense a losxulgaos y tribunales d’Uviéu, sacante que la normativa aplicable estableza un fueru imperativu distintu.
El Vínculu Dixital
La nuesa filosofía
Esti proyeutu naz d’una posición clara: escontra’l capitalismu de vixilancia. Nun ye eslogan de marketing, ye una decisión qu’atraviesa cada llinia de códigu. Esto ye lo que significa na práutica.
Yes sociu, non oxetivu
Nun te tratamos como un datu qu’esplotar. Nun midimos cuántu tiempu te retenemos nin diseñamos trucos pa enganchate. Querémoste equí porque deprendes, non porque nun pueas colar.
Arquiteutura sobre promesa
Nun te pidimos que confíes nes nueses pallabres: pidímoste qu’audites el nuesu códigu. La privacidá nun ye una casiella escondida nun menú; ye l’estáu natural del sistema.
Contestu, non acosu
Arrenunciamos al fingerprinting, a la vixilancia cruciada y a los perfiles invisibles. Si dalgún día hai recomendaciones, naceríen del conteníu que ves, enxamás de siguite per tola rede.
Tresparencia radical
Nada de llaberintos de consentimientu nin <em>dark patterns</em>. Lo que facemos cola teunoloxía ta escrito en claro, y lo que nun facemos tamién.
¿Quies el detalle de qué facemos colos tos datos? Llei la nuesapolítica de privacidá.
Contautu
Pa cualquier consulta llegal, sobre propiedá intelectual o sobre’l funcionamientu del sitiu, pues escribinos a[email protected].