Cultura viva · Llibros
Una esbilla de llectures n'asturianu: narrativa, poesía y ensayu d'autores y autores de güei. Una puerta d'entrada pa lleer na llingua que tas deprendiendo.
Llibru
Una antoloxía qu’amuesa que la ciencia ficción n’asturianu pue ser too a la vez: aventura espacial, sátira, distopía y filosofía. Robots qu’espierten a la conciencia, alieníxenes que miren la Tierra como una rareza y pueblos asturianos onde’l monstruu más inquietante resulta ser el propiu ser humanu. Delles voces de la lliteratura asturiana lleven la llingua, por fin, a les estrelles.
Llibru
Más de dos décades de cuadernos personales de Leticia Baselgas —pandereta del dúu L-R— feches ensayu. Del baille disciplináu d’imaxinariu posfranquista al desencantu con ciertu rigorismu etnográficu, hasta llegar al post-folk como territoriu de llibertá creativa. Una reflexón vivísima sobre tradición, identidá y qué significa güei recuperar y reinventar lo nueso.
Llibru
Antoloxía de Nel Amaro (1946–2011), una de les plumes más renovadores del Surdimientu: comprometida no social y anovadora na estética y no llingüístico. Axunta sesenta poemes de distintos poemarios, cuatro pieces dramátiques y seis narraciones —un bon mapa pa entrar nuna obra que renovó la poesía, el teatru y la narrativa asturianos.